![]()
Track : Banm Kalou Banm
Artist : Danyèl Waro
Album : Foutan Fonnkér
Banm Kalou Banm by Danyèl Waro from album Foutan Fonnkér
Duration : 5 minutes & 50 seconds.
Listener : 282 peoples.
Played : 740 times and counting.
Banm Kalou Banm
Interprete: Danyel Waro
Auteur: Danyel Waro
Texte:
I di a ou en lèr dann miyè la mèr la
Té navé groblan si bato lontan
I di aou dann fon sou bato lontan
Té navé bann nwar té konm zanimo
Zot i vir par isi zot i bingn dann san
Zot i vir par la nana loséan
Banm Kalou Banm, ban kalou banm...
Vyé gramoun i di dann tan komander
Té navé boug nwar té i tyé zot frer
Aforstan soufer la pran la kolèr
Kouler flabwayan kan sa lé an fler
Lo san la kayé dési nout pasé
Boubou la pousé la pokor pété
Banm Kalou Banm, ban kalou banm...
Zot i wa zordi ni désot la mèr
Pou nou rod travay wi nou lé somer
Zot i wa taler mi sa pran lavyon
Po kit mon péi i appel la Rényon
Zémigré zordi, lesklavaz lontan
Pari lé zoli nou na pi zinzan
Banm Kalou Banm, ban kalou banm...
Komander zordi pi parey lontan
Sa boug koméla zot i roul langaz
Zot i gingn larzan po byin koz fransé
In morso kréol lé pi kab tiré,
Koté zot na in pep la po rod kriyé,
I sar pa lékol i sava maron.
Banm Kalou Banm, Banm Kalou Banm...
