Ei va per star sidretg!
Ei va per star memez!
Ei va per star sidretg, restar a sesez sincers!
Stai avon il spieghel, mira endretg - accepta il maletg!
Ei mass aunc adina pil spért dil carstgaun,
per in‘olma aschi virgina, nun ch‘ins vesa aunc il plaun.
El bass dalla glieud va ei per buc grad fugir,
per star en per siu meini è sch‘ins sto lu pitir.
Flepp: Amitgs sas ti ver cons sco ti vuls,
dapertut, tuttina sas ti esser persuls,
sche ti sas buc veramein tgi che ti eis,
vegns ti mai a saver star sin tes agens peis.
Senza ver il crer vid tetez
ed empruar vegns ti mai a saver tgei che fuss stau il dretg,
vegns mai e saver realisar,
vegns adina a restar sin quei punct e basta!
Ei va buc per sgartar vid ils cocs,
cavar nas sco gronds e far atras la notg.
Esser atras culs onns e far mo donns,
tralaschar ils affons, esser in bab sin sboz!
Bia va cuntrari mo aunc pli bia stat ins eri,
l‘entira veta in binari!
Ei va buc per quei che ti creias,
quei che nus schein gliez ei mo nies meini!
Ei va buc per tgi ch‘jeu sun - tgei ch‘jeu fetsch,
per tgei ch‘jeu stun e tgei ch‘jeu less!
Gliez lai ti mo sura a mi, mira ensi,
i va per nuot auter che tei!
Ei va buc per raps, ni il schliet fadigiau,
buc per la marca dallas caultschas ni dil tschiep grad cumprau.
Nus vein daditg emblidau che vein il bien enta maun,
ei va per star sesez ed agir (pli) bein ponderau.
Punct punct punct, ussa va ei gie per tut.
Ti sesprovas ed emprovas e laias viver pli luc.
Buc mo jeu jeu jeu, mobein è inaga ti.
Pass, pass, arver ils egls, gie ti vesas dapli.
