Moviment. Moviment.
Adina esser en moviment.
Ir cull‘aua, ir cul vent,
lontan e lunsch naven.
Far e dar ed aunc ina ga far!
Adina stuer porscher ei less mai calar!
Ella veta prestar per en ella veta anflar.
Ei tschetscha energia, igl ei stuffi,
star vidlunder e dar encunter.
Viver sesez e menar la roda
Tras mal e broda.
Far atras la scola.
Endirar sez è sch‘ei dat enqual noda!
Ed ei fora da tuttas varts, da tut temps!
Ins sto mo star lucs ed esser cuntents!
Ils agens bucs midan ils plans,
mo co ir atras, porta tiel cranz!
Pia buc star a sesez en via!
Star en moviment e veser il muossavia!
Tener sidretg il regl da viver!
Less per adina il sentiment da schitgira!
Il moviment en miu tgau ei rasants e diffus
quei tegn buc si mei e mes plans rigurus.
Ei va mo anavon e buc tec sur ils urs,
negin astga spiarder, tuts ein ils victurs.
Mes moves ein buns e plein energia,
defineschel per mei la megliera via.
E strusch ch‘ils tuns peglian l‘udida,
semuentel sillas bars cun breigia intensiva.
Mo fuss nies mund buc freids ni calira
schabegiass nuot ni el sulegl ni ell‘umbriva.
Mo cun nus tier vus tut che semida,
musica muenta l‘entira famiglia.
Il facit stat, buc discussiunabel.
Moviment ei el centrum da tut il valabel.
E tgi che pretenda che tut va ali giavel
ha buc capiu da quel ch‘jeu tschintschavel.
Anavon, aunc pli dabot.
Aunc pli spert, in pass vinanvon.
Anavon anavon, allez hop!
Mirar anavos, gliez fa mo donn.
La locomotiva smacca sil gas.
La cotgla brischa, il tren ei la siarp
che va atras e fa canera,
il tgamin lez fa fimera.
Senza fermada, gnanc sin damonda,
tochen la cotgla va or ni rumpan
ils binaris muort la carga.
Moviment tochen la fin!
