Doe, mit doen aarm en mit dien riek,
Als ik die doagelieks bekiek,
Doe heurst bie mie!
Doe, doe dij alles van mie wait,
Van mien geluk en mien verdrait,
Doe heurst bie mie!
Doe hest mie heurd hou laank dat ik schraide,
Doe hest mie heurd hou voak ik tegen de störm in pruit,
Doe hest mie zain toun ik de dunderkoppen veur mie zag,
Den zörgde's doe veur 'n nije dag!
Doe, gefst mie roemte en mien rust,
In wast deurgoans mit mie dust,
Doe heurst bie mie!
Doe, loatst mie zain in woar ik stai,
Woarst doe zwaart in kleuren loatst zain,
Doe heurst bie mie!
Doe zagst mie runnen toun ik mien pad nait meer vinden kon,
Doe zagst mie strunen bie nacht en ontied in de bragel stoan,
Doe gafst mie hoop toun de zunne mie omaarmde,
As ofst mie vertellen wolst, dat ik deur mos goan!
Doe, as de zunne ondergaait,
En de moane veur mie staait, heur ik bie die.
Doe, moakst mie waarm en moakst mie kold,
Woarst mien geluk in troanen vertoalst, heurst doe bie mie!
Heurst doe bie mie!
Ik ken nait zunder die!
